Diaranson durante e ultimo anochi di Pre-Final di Caiso & Soca Monarch den Carnival Village, Polis a detene e cantante Tommy Lee Hallman cu droga. Apenas e la cabi canta su cancion “Mi ta bin” cu e banda N’Fusion, cu el a cumpra droga eyden. Polis riba bicicleta a tuma nota di e movecion sospechoso y a detene y ora a listr’e a hay’e cu entre otro cu e droga conoci como “Molly”. A detene mesora na e sitio, sospecha pa e crimen di posecion di droga, aunke pa propio uzo. Despues di a detene, a traha un proces-verbaal contra dje y a lage den libertad bek.
“Molly” ta un droga sintetico Ecstacy
Molly ta un droga sintetico, tambe conoci como “Ecstasy” cu ta bini den forma di un capsula of pilder. E ta considera un droga recreacional cu ta altera bo animo, empatia, euphoria y percepcion. Riba dje e tin como efecto directo un aumento di sensacion. Asina bo guli e pilder di droga aki, ta cuminsa sinti e efectonan despues di 30 pa 45 minuut y ta dura entre 3 pa 6 ora.
Sintomanan di uzadonan di e droga aki ta inclui adiccion, problema di memoria, paranoia, dificultad pa pega soño, mal bista, sodamento pisa y batimento lihe di curason.
E historia di Ecstacy
A inventa e droga aki desde aña 1912. Tabata uze antes pa aumenta psycotherapia na inicia di añanan 1970 y a subi caya y bira popular den añanan 80. Ta uza e droga aki den fiestanan bailabel. Ta conta cu na aña 2014, mas o menos 29 miyon hende, cu edad variando entre 15 pa 64 aña, a uza Ecstacy, cu ta 0.6% di e populacion mundial. E estadistica aki ta mustra cu e ta comparabel cu e mesun cantidad di uzadonan di cocaina pero menos cu esunnan cu ta huma canabis.
Tocante Tommy-Lee
Tommy-Lee Halman a bira popular cantando e cancion”Laga nan yama Bo cayente”. Sinembargo, el a sali for di e banda Buleria algun tempo atras y a bay riba su mes. Den e carnaval aki e ta canta cu N’Fusion.
