Diabierna anochi alrededor di 7:45 pm polis a presenta na RBC Bank den Caya Grandi. Ta despues cu diferente persona a mira un homber ta cana riba dak di e banco. Un total di dos unidad di polis a presenta na sitio.
Na yegada, berdad a mira un homber riba dak pero el a core bay sconde ora a mira polis. No a keda e agentenan nada otro di subi dak y bay busc’e. A topa cu ne riba dak y bis’e pa e baha mesora. A top’e tambe cu diferente artefacto sospecha di procedente di ladronicia.
A hay’e cu un zaag, tub’i koper y un pida hero. A deten’e pa sospechoso di ladronicia. Den un transporte policial a transport’e pa warda di polis caminda cu e proceso di interogacion lo tuma luga. Un subfiscal lo dicidi sea riba su encarcelacion of libertad.
