Afpakteam su departamentonan ta activo. Duana ta bolbe gara un persona cu hopi placa saliendo for di Aruba. Ta trata di un dama cu kier a bay Republica Dominicana. Durante e control a resulta cu e tabatin mas di 35 mil dollar cu ne. Kisas el a kere cu e no lo wordo para of controla. Esey ta causa cu e tin chens di perde e suma si e no tin un bon hustificacion di su procedente. Ora Duana a par’e y gar’e cu e suma, a tuma su declaracion. Di eynan el a wordo pasa pa e departamento di recherche.
Den transporte policial a hib’e warda di recherche na Wayaca. Ministerio Publico finalmente lo dicidi. Awendia un suma di 10 mil dollar no ta un gran suma. Pero e realidad ta cu tin un ley universal unda ningun pais ta permiti pa un pasahero sali cu mas di 35 mil dollar sin avisa of mustra su origen. Na Aruba e dianan aki so tin cu a ser gara cu sumanan di mas cu 20 mil dollar yegando of bayendo. E placa aki si e keda confisca ta bay den un pot special la combati crimen.
E placa cu wordo tuma den beslag lo wordo poni den e Fondo di Combati Criminalidad (Criminaliteitsbestrijdingsfonds) y lo wordo usa pa combatimento di crimen na Aruba.
Afpakteam ta un cooperacion entre Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di Departamento di Impuesto (DIMP), FIOD (Fiscale Inlichtingen- en Opsporingsdienst, Marechaussee (KMar), Kustwacht di Aruba, Meldpunt (Ongebruikelijke Transacties) y RST. Cu tips y señalnan di labamento di placa por contact
Afpakteam via [email protected] of yama tiplijn na 11141.