Diferente fundacion tabata presente den e conferencia di gobierno, unda cu Minister di Cultura, Xiomara Maduro a trece dilanti con e aña aki lo organisa e competencia di dande. Desde algun siman e fundacionnan ta bezig buscando un manera pa organisa e festival di dande. E biaha aki e festival di dande lo ta uno combina entre esun di infantil, hubenil y adulto.
E mandatario a splica cu dande ta un parti di cultura y mester perserva esaki. Desde cu COVID-19 mester a haci cambionan y aunke tabatin retonan, a logra cu lo bay organisa e festival di dande.
Rienne Hernandez Fundacion Promove Cultura encarga cu parti infantil y hubenil di dande ta spluca. A cera cabes cu otro organisacionnan pa yega na un acuerdo con pa haci e festival di dande. Esun cu a dicidi p’e ta cu lo ta un combinacion di grabacion y pasa en bibo. Lo manda un invitacion p’e gruponan ta presente den studio pa graba. Dia 27 y 28 di december lo bay tin presentacion live, pero cantante y banda no lo ta presente di cual si ta conta cu presencia di huradonan y un mc.
E aña aki e evento di dande lo ta uno virtual y desde awe merdia 12:00 lo por haya e link online pa gruponan inscribi cu nan participante. E biaha aki tin diferente cambio cu e gruponan tin di tene cuenta cu ne.
