Despues di e conferencia di prensa di e director nobo di Dr. Horacio E. Oduber Hospital, mesora Gina Maduro di sindicato ABV a bay mesa cu ne debi na expresionnan haci door di Jacco Vroegop, cu no a cay den bon tera. Despues di basta deliberacion, ambos a dicidi cu desde dialuna cu a pasa ta cuminsa un fase nobo. Esey ta nifica cu a haci cierto palabracionnan cu otro.
E cuater palabracionnan ta como lo siguiente:
- Traha hunto cu transparencia
- Trata otro cu respet mutuo
- Siña conoce e organisacion prome cu bin haci cualkier cambio pasobra hospital ta un organisacion grandi y compleho
- Gerencia hunto cu ABV y e stakeholdernan (specialistanan) y trahadonan lo fiha hunto e vision/ mision di e organisacion.
Esaki ta nifica cu awor por transforma e organisacion pa hisa e nivel den cuido y tur hende sa unda tur ta para. Sindicato ABV ta haya cu ta importante pa duna informacion structural na e trahadonan. Pero p’e trahadonan tambe ta informa di ta riba e mesun informacion.
