E continuacion di maneho unda cu un studiante of un persona Arubiano residencia den exterior, por bin haci su examen di rijbewijs sin problema den vakantie, ta algo cu e Vereniging Rijschool Aruba (VRA) tin duda den dje.
Esaki ta algo cu pa aña ta pasa, p’esey Minister Bikker a concretisa den reunion di comision y bisa cu e beleid ta sigui. Nan lo regl’e den e beleid, pasobra esaki no ta regla. Thomas Ruiz, secretario di VRA (Vereniging Rijschool Aruba) a splica cu un cliente a haci curso y bay haci examen, ora di yama pa verifica, Censo a bisa cu niun minister, ni esun actual of di pasado, no a pone nada preto riba blanco. Un studiante na Hulanda mester scucha loke un minister bisa di por paga pa un curso, pero dia di examen ta bisa cu no a pone nada riba papel y no por pasa su examen.
Na 2018 Bikker a bin cu un ministeriele regeling, y Ruiz a bisa cu a constata cu ainda ta duna pregunta habri, cual ta un diferencia grandi. E ta preocupacion p’e grupo vulnerabel cu ta consisti di personanan cu tin un deficiencia y no por haci e examen digital, un persona cu ta siña pocopoco, e alfabetico, dislexia, down syndrome. E ta un deficiencia cu mester mira con por haci e examen pa nan.
Un otro problema ta cu bin cu un sistema di manda un email na KPA pa haya fecha di examen. A mustra cu e sistema no ta traha pasobra tin hende ta warda pa algun luna caba y no a haya un fecha. Nan tin un retraso pasobra hopi hende riba media social ta keha. E mandatario a lanta un comision aña pasa na september pa mehora e departamento. Un di nan e comision ta haya inzagge na e examen, pero nan no ta activo. Wilfred Hart ta activo ainda pero su contract ta caba y no ta tende nada mas di e comision. Y asina tin mas preocupacion cu VRA tin.
