Ing. Anko Koopmans, director di Dienst Technische Inspectie (DTI) den combersacion cu 24ora.com a duna un recordatorio cu tur vehiculo uza den paradanan, mester pasa den un keuring.
Ya caba nan a cuminsa habri e diasabranan pa keurmento di e vehiculonan cu ta bay den e diferente paradanan, pero e reaccion te cu awo tabata masha pober mes, segun Koopmans.
E hecho cu mester keur vehiculonan no ta algo nobo. E ta algo cu mester sosode y ta anuncia tur aña na inicio di e temporada.
Tur e vehiculonan cu ta hala garoshi (trekker) mester pasa den keuring. Tanto auto como UTV-nan. Esnan cu a wordo uza aña pasa a haya keuring di un aña, pues lo mester wordo gekeur atrobe.
Di otro banda e trailernan mester pasa den inspeccion y gekeur door di Cuerpo Policial di Aruba.