Aruba Ports Authority tin varios proyecto ta ehecutando. Un di nan ta e waf pa por acapara mas barco crucero. Turismo crucero ta un pilar tambe importante pa e economia di nos pais.
Gobierno, ministernan, tur esnan den turismo, a haci hopi esfuerso pa por mantene turismo crucero uno bibo.Mark Figaroa, director di APA, tabata tey tempran na waf di Playa na e sitio di construccion pa nos ricibi barconan crucero mas grandi ainda. El a splica cu bouldersnan mester tin cierto capacidad cu por mara e botonan na dje.
Mas cambio
Lo bay bin mas cambio a corto plaso. Lo bay haci e parti di operacion mas eficiente. A consulta internamente con e waf ideal mester ta. A base di esey ta traha riba un plan unda lo kier yega. Awor aki nan ta den e proceso di modernisa e organisacion, tambe wak con pa comercialisa APA pa por genera e fondonan pa por haci cierto di e inversionnan aki.
Cuanto barco Figaroa a agrega por acomoda 3 barco, pero tur cos ta depende di e pier, si wak’e paralel. Tin e basin tambe, cu si tin un barco chikito por acomod’e. Loke ta pasa tambe, cu ora acomoda unda e terminalnan di crucero ta, si tin dos barco, tin ora ta sali patras di e barco y ta blokia e basin. Tur cos tin di haber cu e tamaño di e barco. Pero por lo general por acomoda tres of cuater.
Maramento di barco
Figaroa a sigui splica cu por ehempel un di e barconan grandi, Freedom of the Seas di Royal Caribbean, cu tin mester di cierto cambionan y inversionnan mester a haci pa acomod’e y otro barconan di su tamaño.
Exigencianan
E parti di siguridad ta hopi importante pa un barco por bin Aruba. Nan kier tin e siguransa cu por acepta pa trece e barconan aki y nan por ta sigur ora nan drenta Aruba.
2020
2020 ta mustra hopi positivo, segun Figaroa. 2019 a cera mescos cu aña pasa, cual ta un aña record. E ta mustra cu lo surpas’e net un tiki y 2020 ta mustra uno cu un crecemento chikito pero toch strategico, Figaroa a finalisa.