Diamars anochi e Centro di Coordinacion y Rescate (RCC) di Kustwacht a detecta un boto cu tabata na direccio pa Aruba.
RCC siguiendo e circunstancianan sospechoso bao di cual e boto tabata nabega, RCC a dirigi un Metal Shark pa e boto pa asina controla abordo.
E boto, cu e nomber Huracan, tabata compaña pa e Metal Shark pa Aruba. Durante un inspeccion riba Horcan, nan a haya e capitan cu documentonan di despacho di Aduana di Colombia falso. E capitan a bin Aruba pa e comercio di pisca y tabata tin hopi pisca abordo pa e mercado di Aruba. Durante un control realisa pa e Departamento di Salud Publico, a rechasa e pisca pasobra e no a fria adecuadamente, loke a provoca cu el a putri.
Autoridadnan a nenga e capitan e acceso pa Aruba riba e base di e hechonan aki y a solicita pa nan bandona e isla. Den su partida, a sigui e boto via radar di Kustwacht, pero na cierto punto RCC a observa cu e boto a dal un buelta y a bay bek Aruba. E capitan a informa cu e tabata tin problema cu e motor y cu e no por sigui cu su biahe. E capitan a ricibi permiso di autoridad pa drecha e moto, pero a avis’e cu e mester bandona e isla inmediatamente despues. Durante e di dos intento di e boto pa bandona e isla, RCC a monitorea Huracan te ora cu e tabata pafo di awanan teritorial di Aruba.
