Dialuna no a lanta bon pa doñonan di un Hyundai i10 y Hyundai Accent cu tabata envolvi den un accidente riba Rudolfarendstraat.
Rond di 10’or di mainta ambulance ta bay direccion di Rudolfarendstraat pa un accidente cu herido. Informacion haya na e sitio ta mustra cu e Hyundai i10 no a para pa duna preferencia na Hyundai Accent cu tabata coriendo riba caminda di preferencia di Rudolfarendsstraat cu Emmastraat cu consecuencia cu e Hyundai i10 a dal den Accent y pone esaki spin.
E dama den e Hyundai Accent a bay cu ambulance pa hospital p’asina nan haci un check cun’e debi cu e ta keha di dolor di lomba nek.
