Tabata tin un caso cu a capta atencion. Loke mas cu a capta e atencion ta, e decision di hues, caminda per direct cuater persona a wordo laga den libertad den un caso caminda tin 110 kilo di cocaina envolvi.
Abogado Demis Illes a comenta cu ta referi aki na un caso cu a tuma luga na Mei di aña pasa na Casibari na un cas, durante entrada, a haya por lo menos 110 kilo di cocaina. Den e caso aki Illes a representa dos persona.
Loke si semper tabata cu tabata tin basta confiansa den e sentido kico tabata pasa ta cu un boto a wordo saca den oranan mainta tempran. Ta wordo hiba na e cas. Esey ta loke polis a constata. Despues nan ta bisa cu a haya prueba, a haya droga na e cas. E conclusion lo tabata cu e droga a drenta e dia ey. Loke a bin ta bisa for di cuminsamento cu no por prueba den ningun forma cu den e boto cu a wordo saca riba e mainta en cuestion, e droga a wordo treci Aruba.
E dos clientenan cu Illes a representa cual ta Wernet y Rafini, tur dos for di cuminsamento a desmenti di tin algo di haber cu e transporte di droga.
Tur dos ta bisa cu nan a wordo acerca, a yuda, a saca un boto y a bay. Ta berdad tambe cu den sentido cu por a wak cu nan envolvimento pa loke ta e dia ey ta solamente un cuestion di un trailer di boto, etc.
Segun Illes, hues tabata tin suficiente oido pa loke defenca trece na pleidooi dilanti, caminda cu a bay echt splica y desbarata dicon no tin suficiente prueba pa mustra cu riba e boto ey tabata carga droga. Por ehempel riba e boto nan ta wak dos ijsjug grandi.
Sinembargo e droga a wordo haya na e cas den un ijsjug grandi blanco, mas mediano y un otro color blauw cu no a wak ningun caminda.
Tabata tin hopi mas cos. Polis ta coy e boto tres dia despues den beslag, no ta saca potret di e contenido y pa colmo tabata tin un potret den e dossier for di cual por a saca afo cu probablemente polis ta bisa cu ta wak droga. Defensa no a mira mucho bon riba e potret, pero si ta berdad e ora ey mes, na e esencia cu polis ta bisa esey, toch a daña e structura di pensamento.
Esey kiermen cu pa 6’or y mey di mainta, ya suppose e droga lo mester tabata tey, pasobra a saca su potret. Sin embargo e boto aki ta wordo saca den ora di 9’or mas of menos, e boto aki lo a yega e cas.
E ora ey e coordinacion durante e transporte di e boto eynan, e droga a drenta, no por wordo estableci. Hues a bay un tiki mas leu. A bin acerca e parti di radar. Ta bisa cu e boto a sali e dia ey mainta tempran, pero no ta sali na cla si supuestamente cu e boto lo a sali, cu e boto por a tira den tres ora un careda bay zuid, busca droga bin bek. Vooral cu un motor chikito riba dje. Tur e cosnan aki a wordo tuma den consideracion. Hues a indica cu ta suficiente pa e duda cu e droga a drenta e dia ey. E dos clientenan cu Illes tin, cu nan envolvimento lo tabata den e transporte e ora ey, no lo a bay tin suficiente prueba pa esey.
Envolvimento
Illes a sigui splica cu a sali na cla, cu hues a laga sa cu e no por saca afo y ta keda cu duda ki dia y ki ora e droga a drenta. Hecho ta cu e droga a wordo haya, pero na un cas caminda mas hende tambe tabata biba. Hendenan Latino ta huur. Ta suficiente duda pa pensa cu otro hende tambe por tabata envolvi den e parti aki. Pio tambe cu e droga no a wordo captura directamente den vecindario di e cas tampoco, cual segun Illes, a pone e hues duda tambe den e envolvimento di e persona cu ta biba na e cas. E droga a wordo haya riba un afdak na un parti mas leu di e cas.
Vrijspraak
Pa e cliente nan rol, for di cuminsamento tabata basta trankil y sigura cu e caso lo a cana bon. No por bisa cu den e droga ey, a yega den e boto e mainta en cuestion. Esey tabata e sesencia di e defensa di e dos clientenan di nan parti.
Interogacion
Illes a comenta cu ta straño cu e cliente a nenga for di principio, a nenga den corte, a nenga semper. Sa pasa cu durante interogacion bo ta cansa y cu porta na e momentonan ey, el a bisa nan, ta bon. Esey ta un parti cu Ministerio kier a uza contra un di e clientenan, Rafini, pero toch a logra convence hues, pasobra no por tume asina light. Si na un momento un hende confesa na bo, e ora bo tin cu sigui puntra. No por djis tuma si, a haci’e y stop. Esey ta loke a pasa. Ora cu supuestamente e cliente lo mester a bisa si, el a haci’e, polis a stop cu interogacion y no a sigui puntra. Esey ta hustamente loke a bisa hues, dicon no a sigui puntra, pa por controla tambe si e ta sigui bisa. A yega di pasa den pasado cu hendenan ta confesa cosnan cu no a pasa y esey no a pasa. Hues a duna defensa rason riba e punto ey tambe, pa cual motibo e supuesto confesion a lag’e un banda.
