E accidente cu a tuma luga dia 3 di Maart unda a hit and run un peaton a conduci na un detencion. E dia ey un Nissan Tiida bayendo nort a atropeya Ana Quandus di 82 aña na altura di Tanki Flip poco prome cu e rotonde. E yiu homber a yega haya e mama na suela. Mas auto a pasa bay manera nada a pasa despues cu e prome auto a alcansa e peaton. Algun dia despues Ana Quandus a fayece.

Polisnan a los algun grabacion di cameranan di siguridad pa purba yega na e auto. Polisnan di trafico a cuminsa un investigacion riba e caso cu a dura algun siman. Pueblo tabata pendiente pa haya sa kende a comete e acto y nunca mas a sali dilanti pa bisa cu el a dal e peaton cu consecuencia fatal. Tabata un investigacion hopi profundo pasando varios caminda riba e ruta cu a sospecha e huida di e Tiida.

Asina a yega na e auto cu a dal y finalmente hasta na e sospechoso. A yega tambe na diferente pieza cu a kita di e auto pa pone nobo y subi caya bek manera nada a pasa. A yega e momento cu e pruebanan necesario pa pone man riba e sospechoso. Fiscal a analisa tur e trabou intensivo haci y asina a duna ordo pa detene e sospechoso moviendo banda di DIMAS y a dune señal pa para. El a stop banda di Cas di Partido AVP riba e area di para auto. A mustre riba su derechonan y bay over na detencion.

El a admiti di tabata chauffeur di e auto cu a hit and run. El a keda cera y despues a mande KIA. Mientrastanto diabierna atardi a duna OK pa e haya su libertad. Hopi a kere cu kizas e no ta sospechoso mas.

A busca informacion na Ministerio Publico y eynan a tende cu e chauffeur ta keda sospechoso. Fuentenan a confirma cu el a admiti. Mirando cu e caso ta afgerond, a lage den libertad.

A confirma cu e ta sigui sospechoso y cu lo presenta su caso di hit and run fatal den Corte. Hopi pregunta a bin dilanti con bin a lage bay caba? Autoridad a bisa cu nos leynan ta hopi anticua. Si tabata na Merca ta hopi aña e lo a sinta. Na Aruba leynan bieu ta duna espacio pa hopi sospechoso get away cu poco castigo of cu algun dia solamente di prizon.

Comments

comments