E situacion den CITGO ta birando mas pio cu nunca. Diahuebs un otro grupo di trahado den CITGO a ser informa cu nan dianan ta conta na trabou.
29 trahado mas diabierna ta bisa ayo na nan trabou. E storia cu a lanta embargo pa Aruba no ta berdad. E informacion cu prome minister Evelyn Croes a duna no ta berdad. Diabierna tin un reunion general den CITGO cu gerencia.
Esaki segun e trahadornan cu tey ta IOWUA a pidie despues di pone basta presion. Nos lo busca drechi di IOWUA tambe pa asina e presidente Boy Anthony splica mas riba e situacion cu cada dia ta birando pio. E miembronan di staff cu net a afilia na FTA tambe ta den problema serio. Nan lo ta siguiente riba lista pa wordo kita na CITGO. Parce cu awor na Merca lo tin un reunion grandi y importante cu mester tuma luga na Washington pa asina mira si por roga esnan di gobierno of esnan cu tin embargo pa lanta esaki. E intencion ta pa lanta e embargo pa no perhudica e transhipment. E weekend aki ainda tin barco cu mester drenta cu fuel pa Aruba. Gasolin, Diesel y Jet Fuel mester yega cu e barco. Si cos sigui asina y no tin placa ta bay bira un problema serio hasta pa e departamento di Transhipment. Algun 100 trahado indirecto a bay cas caba y awor esnan trahando directo cu CITGO tambe ta bayendo cas. Den pasado ta hopi storia bunita e gobernacion actual a trece cu nan tin e solucion. Expresion di e trahadonan ta cu nan ta totalmente decepciona cu loke e gobernacion actual ta haciendo. Awendia nan a lubida riba e trahadornan den e refineria cu ta ser manda cas y keda sin entrada pa paga nan debe y cria nan famia. Ta spera cu e reunion cu tuma luga na Washington tin su fruto y asina e embargo wordo lanta sikiera pa por mantene e parti di transhipment. Cu embargo a wordo lanta pa sigui cu e otro fase di refineria no ta berdad. Ta interesante tambe pa mira kico e resultado di e reunion general lo bira den CITGO mes entre e trahadornan cu gerencia diabierna.
