Den un conferencia di prensa dialuna atardi, team di production di concierto di Ana Gabriel riba nos isla a haci tur rumor oficial! E gran artista di taya international Ana Gabriel lo ta na Aruba pa un concierto pa dia di mama 11 di Mei 2019.
Despues di mas o menos 1 aña di a inicia e contactonan pa haci esaki posibel, AWOR ta e momento! Ana Gabriel ta di gira mundial cu su tour yama: Estamos a tiempo y a honra Aruba incluyendo nos isla den su gira unda cu e lo presenta cu su banda completo y tambe su mariachi. Durante di e conferencia di prensa a anuncia tambe cu e concierto lo tuma lugar den Entertainment Center na Dakota mirando cu e ta e lugar adecua pa e logistica cu e concierto di un magnitud asina ta trece cune. Na mes momento a anuncia e differente seccion cu lo tin durante e concierto, esta: VIP plus, VIP, VIP Seating y General. Den e cuadro aki, FunMiles tambe a haci e gran anuncio di ta forma parti di e concierto y lo ta e unico agente cu lo bende ticketnan general EARLY BIRD.
E ticketnan special aki lo wordo bendi durante di e siman di 8 -17 di maart na oficinanan di FunMiles pa solamente 95,- florin!!
Esaki ta equivalente na 4750 Funmiles of un combinacion di 500 Funmiles y 85,- florin. Banda di esaki Funmiles SO lo bende entradanan general na 125 florin equivalente 6250 Funmiles y VIP Seating na 200 florin cu ta mescos cu 10.000 Funmiles. Prijsnan normal pa carchi general ta 150 florin y VIP seating 225 florin.
Por ultimo tambe durante di e conferencia di prensa a haci apertura oficial di Ana Gabriel Boutique na unda bo lo por cumpra differente mercancia manera tshirt, petchi, mug, serbete, usb y mas cu claro bo entrada pa e concierto sea ta general of mesa. Pa finaliza un biaha mas ta haci un yamada na pueblo di Aruba pa busca bo ticket y reserva bo mesa no ora mirando cu ya caba e interes pa Ana Gabriel ta uno hopi grandi. Pa mas informacion por yama na cell +297 5686283 i app riba 5999-5102917 of bishita nos pagina di FaceBook Ana Gabriel Concert Aruba