Ultimo añanan a mira diferente malesa di caya presente na Aruba, manera Chlamidia, Gonorrea, Sifilis, Hepatitis B tambe y HIV, cu ta sobresali. Sharline Koolman, hefe di DBZ na Departamento di Salubridad Publico, tin malesanan contagioso cu ta mas facil pa maneha.
Si bo no yega na bo dokter di cas of yega na DVG, cu por detect’e y trat’e, por keda cana cun’e hopi tempo. E tin su problemanan tambe pasobra e por causa sterilidad y tin consecuencia si no trata esaki segun e hefe di DBZ. Sifilis tampoco, si bo no trat’e, e por dunabo problemanan neurologico y consecuencianan grandi. Si bo no atende cu nan, tur na dado momento, lo bo mester di trata nan. Loke por mira varios biaha ta, ta dubbele infectie. Hendenan cu tin sifilis, tin HIV tambe. Of nan tin gonorrea y sifilis. Por mira cu mas di esakinan ta bin dilanti. Esaki ta nifica cu e persona tabata mas cu un biaha na riesgo. HIV ta keda un problema.
Bo no kier stempel ningun malesa, ni bo kier stigmatisa ningun malesa, si papia riba e parti di homosexualidad. Pero pa por duna un miho guia, bo mester sa si bo di cua grupo of gruponan ta mas vulnerabel pa haya e malesa. Den cuadro di esey, ta hay’e mas na Aruba, bao di homosexualnan. E ta importante pa esey, pa bo sa unda bo ta bay enfoca bo atencion pa informa nan.
E atencion one-on-one
Antes segun Sharline Koolman nan tabata haci mas via media, esta duna informacion. Awo DBZ ta prefera di bay directamente na e grupo. Si ta un grupo di hoben, di homosexual, tin pais tin’e bao di hende muhe na cas, door cu financieramente nan ta depende di e homber. Sharline Koolman a splica cu ora bo sa cual ta bo grupo por focus e campaña den media pa keda cu e concientisacion directamente na nan. Awendia DBZ ta drenta e grupo y papia cu un hende den e grupo y duna informacion, reparti condom. Nan por bin cerca bo, pasobra e ora nan ta ripara cu e servicio, e drempel no ta halto, mescos cu pa bo bay un dokter di cas, por ta bo por yega na DBZ mas lihe. Locual cu ta purba di haci ta, enfoca e informacion directo na e grupo. E ta keda un problema. Loke cu DBZ ta bezig awor aki, ta pa prepara pa World Aids Day na fin di November, comienso di December. A ripara cu pa DBZ, e hende tin hopi informacion. Por Google diferente cos. Pero por wak cu e transaccion di sa un informacion y practik’e, esta bo comportacion, e cambio eynan, no tey. Bo sa con e ta wordo transmiti, bo por les’e tur caminda, pero dicon bo no ta practik’e. Eynan ta caminda cu ta sinti cu tin cu bay haci mas trabao. Pesey un cambio di comportacion no ta sosode for di awe pa mañan. E ta proba cu un cambio di comportacion ta cuminsa na un mucha di scol basico.
