E comunidad di Barlovento, den e estado Miranda di Venezuela, ta sorprendi cu e caso di Luis Alfredo Gonzalez Hernandez, persona cu a keda deteni pa CICPC y a admiti cu a mata, descuartisa y a come parti di e carni di e doño di un finca di e luga, e informacion cu a wordo confirma pa e director nacional di polis cientifico, Douglas Rico.
Segun NTN24, e asesino a alega cu tabata e victima kende a pidi’e pa comete e acto pa traha verf cu su sanger y shinishi.
E restonan di e doño di e finca a keda haya dera den e tereno. CICPC ta sigui cu e investigacion, unda cu ta conclui cu e “artista antropofago”, a haya docmento di otro personanan cu a keda reporta como desapareci.
E caso aki, por corda esun di Dorancel Vargas, un di e prome asesinonan en serie di Venezuela, kende tabata gara su victimanan pa come nan.
