“Construi bek miho” un siman pa St. Maarten

142
rbc mobile banking

Recientemente naturalesa tabata tin un efecto devastador riba islanan di Caribe. Ta clave pa un grupo grandi di accionistanan colabora pa asina haya un solucion pa por construi mas fuerte pa futuro di e islanan pa asina evita cu historia ta keda ripiti.

Banco di Caribe

Despues di e destruccion di orcan Irma y Maria, St. Maarten y otro islanan sercano a cuminsa reconstrui nan sociedad, economia, y institucionnan; cualkier ayudo ta bon bini. Pa e motibo aki, Aruba Centre of Excellence for Small Island Developing States (SIDS) – United Nations Development Programme (UNDP) initiative situa na Aruba – y EY Dutch Caribbean ta organisando “Build Back Better Week SXM”. E siman exclusivo independiente aki “BBB Week” tin como meta pa logra ideanan y coneccionnan pa un futuro fuerte pa St. Maarten.
E siman ta consisti di un “Do-Tank”, un evento pa desaroya accion caminda esnan den turismo sostenibel, empresarionan y esnan den energia nobo por participa pa asina crea un futuro mas fuerte pa St. Maarten y otro islanan cu tambe a wordo afecta door di desaster natural. E evento aki lo tuma luga for di 16 di maart te cu 18 di maart, 2018.
Aparte di esaki, Dutch Caribbean Chambers of Commerce (DCCC) y Present Your Startup Caribbean ta organisando un evento “Do-Trade” na St. Maarten durante di “BBB Week” cual lo ta un “Trade mission” cu ta consisti di, training, “matchmaking” y un sesion di networking. E evento aki tambe lo ta un “kick off” cu coperacion entre e paisnan di reino.
E “Do-Trade” lo tuma luga 19 di maart, 2018.

DCCC ta encurasha tur companianan cu ta interesa pa tuma parti na e mision aki caminda ‘Present Your Startup Caribbean’ lo uni cu inversionistanan y startups di Hulanda E ta realmente den e contexto di ‘papia menos y actua mas’ cu nos ta organisando e “Do-Tank”, asina Arno Boersma, Manager di the Aruba Center of Excellence ta splica. “ Cu hopi diversidad di participante, mi ta sigur cu nos lo mira hopi idea cu lo bai ta posibel pa implementa, y nos ta cla pa comparti nan cu otro SIDS rond mundo”. Bryan Irausquin, Office Managing Partner di EY Dutch Caribbean, ta agrega: “construyendo un miho futuro pa hendenan na St. Maarten ta cuminsa cu preguntanan cu ta hiba nos na un miho contesta”; esaki ta exactamente locual nos intencion ta pa hasi cu mentenan creativo durante e “Do-Tank”. Mas ainda, nos ta yamando e evento aki “Do-Tank” como prueba di nos compromiso pa cu St. Maarten y cu contestanan cu lo conduci nos na accionnan y resultadonan cu lo boost e sostenibilidad pa desaroyo di St. Maarten”.
“Nos na Dutch Caribbean Chamber of Commerce (DCCC) ta hopi contento cu e oportunidad aki. Esaki lo ta un bon plataforma, no solamente pa yuda St.Maarten su economia y su sector priva pa para riba nan pia mas lihe posibel, pero tambe lo aumenta e laso entre economia di paisnan den reino” Segun Billy Jonckheer presidente di DCCC.

Tur cu ta interesa den e topiconan menciona ta keda invita pa tuma parti cu nos y contribui na e BBB Week.
Build Back Better Week SXM, cu combinacion di Do-Tank y Do-Trade ta priminti di haci gran contribucion na un futuro fuerte pa St. Maarten. No duda, uni na nos!
Pa mas informacion, tuma contacto cu:
– Aruba Centre of Excellence for SIDS – Aruba (Arno Boersma; [email protected])
– EY Dutch Caribbean – Curacao (Axel de Vries; +5999 430 5000)
– Dutch Caribbean Chambers of Commerce (Kirsten Römer; +5999 461 1451)
– Present Your Startup Caribbean (Valerie Vallenduuk; +31 4673 0993)
– Camara di Comercio y Industria Aruba (Business Information & Support; +297 582 1566)
Pa detayenan tocante BBB SXM Week por subi e website www.BuildBackBetterSXM.com
Bo por sigui nos riba Facebook: fb.me/BuildBackBetterSXM

Comments

comments

Ford 2017 Test Drive
Dragon Fly