Departamento di Salud Publico su seccion di Higiena ta traha cu mas departamento, manera Cuerpo Policial, Brandweer, DOW, etc. y nan ta tene accion durante henter aña riba establecimentonan di cuminda y bebida rond di nos isla. Y pa fin di e aña aki no lo bay tin un excepcion.
Segun Yvette Geerman, hefe di e seccion, a splica cu lo bay tin un grupo minimal. Si bay cu diferente departamento, e ta exigi hopi mas energia, hopi mas cooperacion y cada departamento tin nan tarea cu na e momentonan aki falta pa termina. Semper ora cu haci’e den grupo grandi, ta planie prome hunto. E ora eynan pa por tene e accionnan. Pa e aña aki lo bay haci’e den gruponan minimal cu otro departamento.
Departamento di Salud Publico ta keda si y trahando hunto lo por logra hopi mas.
Motibo di cera un luga
Depende a base di kico un luga ta wordo cera, por tin diferente motibo. Si e luga ta wordo cera of un luga cu no ta cumpli cu reglanan di higiena, entre otro locual cu ta qua limpiesa. Na momento cu bay haci control y a constata cu eynan tin desperdicionan di bestia, situacion ta hopi sushi, ta yega un momento cu ta yega na e decision cu por cera e luga pa 48, cual ta e maximo cu e por wordo cera. E por wordo cera menos tambe pa 24 ora. Ta depende kico ta e momentonan b’a constata cu a haci e inspeccion.
Ora cu e luga wordo cera, na e momento ey inspectornan lo bay haci nan hercontrole. Despues di e hercontrole, si e luga ta cumpli cu e puntonan unda cu mester a cumpli cu nan, e ora e localidad lo por habri bek, pa e por opera, pa e por duna servicio na e consumidornan.
Tin posibilidadnan tambe cu hendenan por a bira malo. Na momento cu hendenan bira malo, e ora lo bay haci inspeccion na e luga. Tur cos ta depende di kico e hendenan a bira malo. Esey ta hopi importante pa sa, di manera cu por trace back, locual cu e persona a come di cual el a intoxica di dje, si algo por a bay fout durante di e proceso di preparacion, of ta e parti humano, si ta e persona cu a traha por ehempel, no ta un persona saludabel. E persona tabata malo y por a pasa cierto bacteria, virus, riba e cuminda, di manera cu e consumidor a com’e y a bira malo.
Lo tuma muestra di cuminda y a base di e muestra di cuminda, y a base di resultado lo por duna indicacion kico por a bay fout.
Pesey ta keda hopi importante pa na momento ora cu un persona mester bira malo, pa e haci su keho oficialmente na Departamento di Salud Publico. No duda den ningun momento y haci’e riba un termino hopi contento, pa asina e departamento por haci su trabao bek.
Tambe bay bo dokter di cas of bay hospital, si ta Eerste Hulp. Tin manera cu nan tin melding, asina e departamento di malesanan contagioso, tambe por haya e informacion y internamente departamento di salud publico, ta haci e controlnan manera mester ta. E ora por trace back, kico y con cos a bay robes.
Ora cu cumindanan bay robes, tin asina tanto factor cu ta hunga un rol, cu ta influencia riba cumindanan cu ta bay robes. E higiena personal ta hopi importante. Tin biaha nan ta hopi pober na higiena personal. Un persona cu ta traha cu no ta saludabel bastante, of a bay baño y no a laba su man corectamente, e por pasa e bacteria over y esun cu ta come e cuminda, ta bira malo.
Bo ta haya tambe cu e cuminda no ta bon cushina, riba e temperatura manera mester ta. Of e cuminda no a wordo warda segun e temperatura. Tin cu corda cu cuminda friu ta 5 grado mas abao y cuminda cayente mester ta riba 60 grado bay abao. Cross contamination por a tuma luga. Contaminacion di manera cu a prepara un cuminda riba un cuttingboard, por ehempel galiña curu y riba e mesun cuttingboard a traha salada. E por ta trata di cuminda, e por tabata materialnan sushi cu por a pase over. Tambe por ta cumindanan cu a cumpra cu ta di menos calidad, for di un luga cu por ta a expira caba, anto esey bo ta prepara pa e hendenan come. Tin asina tanto factor cu por influencia, cu e cumindanan ta bira unsafe, nan no ta di e calidad unda cu e consumidornan ta come di dje.
E otro rol importante ta cu si nan ta cumpli den cuadro di ley. Personal cu ta traha eynan, mester tin nan declaracion di salud na ordo. Tin momentonan cu bay, nan no tey y si constata cu nan no ta na ordo, e compania lo por bin na remarca pa haya un boet. Esaki tin su proceso tambe.
Si mester remarca cu falta personal cu por parti boet na e mesun momento, segun Yvette Geerman. Tin solamente un persona cu por haci e funcion eynan, pero otro empleadonan falta e parti aki. Ta poniendo atencion riba dje, cu por yega na un momento cu por parti boet na e mesun momento. Asina ey por traha mas eficiente, como departamento, segun Geerman.
