Museo Historico Aruba a celebrando 18 di maart pa di 20 aña caba for di 10’or di mainta te cu 6’or di atardi tabatin diferente actividad pa grandi y chikito. A conta cu diferente tent di artesanonan local, Dinojump y face painting pa nos muchanan, parti paden diferente stand di cos dushi, snacks, cuminda crioyo. E Fort Plein tabata yena cu ambiente y diferente actividad durante henter e dia, hasta a mira algun hende ta “tira piedra”, pues hunga un wega di domino.
Bon Nochi Drumi Dushi tambe tabata presente pa duna informacion tocante nan fundacion, exposicion chikito di e grupo di Club Kibrahacha. E dia a conta cu presentacion di Caha di Orgel ‘Miranda’, Grupo Tipico Tommy y su grupo, Caha di Orgel ‘Bucurui’, Kids 2 Kids y Quality Brassband.
