Hefenan di servisio di Ministerio Públiko (OM) BES, Korps Politie Caribisch Nederland (KPCN), Recherche Samenwerkings Team (RST), Koninklijke Marachaussee (KMar), Financial Intelligence Unit (FIU-BES), Fiscale Inlichtingen – en Opsporingsdienst i Afpakteam Kòrsou a firma awe, djaluna 19 di mart 2018, un konvenio na Boneiru pa fortifiká e atendimiento integral di kriminalidat ekonómiko.
E konvenio ta intensivá e interkambio di informashon entre servisio, pa atendé di forma mas fuerte kontra kriminalidat finansiero ekonómiko. Froude, froude inmobiliario i labamentu di plaka di e forma aki por keda kombatí muchu mas efektivo.
Ku e konvenio aki a traha sita mas klarito denter di kual e servisionan por kondusí investigashon relashoná ku señal ku drenta di froude i labamentu di plaka. Ora di atendé ku krímen di e forma aki e instansianan mes tin ku inisiá ku nan investigashon. No tin direktamente víktima di labamentu di plaka miéntras ku ta un hecho ku froude no por ser identifiká fásil. Bo no por mira mesora por ehèmpel ku den kuadro di konstrukshonnan ilegal ku tin uso di fraktura nan falsifiká. Poko biaha tin keho entregá di tópiko di krímen asina.
Ta netamente p’esei koperashon ta hopi importante: solamente dor di mèldu otro na momentu ku topa algu dudoso, por kombiná e informashon aki entre instansianan i por tira un lus riba kasonan di froude asina. Ku e konvenio aki ta pone un promé paso ku e resultado ku esnan ku ta kometé froude ta kore hopi mas riesgo pa keda identifiká i persiguí. Ta intenshon pa den e bataya kontra malversashon finansiero, pa tambe buska e koperashon ku instansianan no-gubernamental.
