E periodo di carnaval ta conoci pa ta un periodo cu aumento di actividadnan ilegal riba lama. Botonan cu hopi persona na bordo ta purba yega Aruba mas frecuente. E personanan ilegal ta purba yega tera y hopi biaha nan tin arma y droga hunto cu nan. Unabes na tera e armanan y droga ta forma un peliger pa nos comunidad. Warda Costa ta traha duru pa por brinda costanan y lama liber di practicanan ilegal.
Den pasado e temporada di carnaval a ser usa regularmente como un periodo cu botonan ta purba yega nos costa. Pesey Warda Costa ta bay patruya mas intensivo durante e periodo cu ta bin aki. E unidadnan lo ta mucho mas visibel riba lama y e avionnan tambe lo patruya mas frecuente.
Warda Costa lo ricibi colaboracion di Defensa tambe den forma di Zr.Ms. Zeeland, cual lo patruya den nos awanan. Un yamada ta bay tambe na nos comunidad, personanan alerta por meld casonan sospechoso riba lama riba e number 913 cu ta disponibel 24/7.
