Diabierna anochi dos auto tabata envolvi den accidente na Morgenster direccion Hooiberg. Un auto marca KIA modelo Opirus a dal den un auto marca Toyota modelo Yaris. E KIA tabata bay direccion pariba. E Yaris a bay lora links tambe bayendo direccion pariba.
E chauffeur a lora sin wak den spiel cu e KIA ta bin. Asina e KIA a dal den e Yaris. Polis a yega pa investiga. A resulta cu e chauffeur di e Kia tabata mustra bebi. Polis a detene y a bay cune warda pa pasa e test y duna declaracion. Ambos auto a kibra basta.
