Aruba Softball Bond orguyoso na e manera cu e campeonato Internacional femenino WBSC Suramericana a cana.
Un campeonato historico unda Aruba pa prome biaha a “host” esaki. Comision Organisador a haci un trabao sublime tabata palabranan di Antonio Morales presidente di WBSC Suramericana.
(CONSURSA). Venezuela despues di a clasifica na di tercer luga diahuebs ta elimina Corsou y diabierna atardi ta elimina Argentina 4-3 pa finalmente diabierna anochi derota Brazil 5-3 den extra inning den di 9 inning pa titula campeon di e di XIII campeonato internacional femenino WBSC Suramericana reclamando asina e medaya di “ORO” Un wega dramatico cu ta keda 1-1 den bom di 7 inning y 2-2 den bom di 8 inning.
Den cabez di 9 inning Venezuela ta bay ariba 3-2 unda un rato despues Yulexis Barrios ta conecta un cuadrangular den deep right cu un coredor na base pa amplia e score 5-2.
Brazil den bom di 9 ta anota un careda pero no por a remolca mas y e wega ta termina 5-3. Venezuela celebrando mientras Brazil su atletanan a kibra den emocion cual ta normal pa un wega hunga cu asina hopi pasion y curason. Michelle Floyd di Venezuela a lansa 7 inning atardi contra Argentina ( 109 lansamento) y ta lansa bek 9 inning anochi contra Brazil ( 129 lansamento) ta seya e victoria riba su nomber.
Michelle ta tira 46 bola, 83 strike propinando 9 careda y no ta permiti careda limpi regalando 2 base por bola. Fernanda Shiroma di Brazil tambe ta bay 9 inning tirando 55 bola, 88 strike pa un total di 143 lansamento propinando 2 ponche y ta regala 4 base por bola mester conforma su mes cu e derota.
Mihor bateadornan pa Venezuela ta Jocelin Diaz 5-1 cual porcierto tabata un doblete mas un rbi, Yulexis Barrios tambe di 5-1 cu un cuadrangular ganador den di 9 inning cu 2 rbi, Denisse Fuenmayor 3-2 cu 1 rbi, Yusneiby Acacio 3-1, Freymar Suniaga di 4-1 mientras cu Raybelys Mosquera a bay di 4-1 cu 2 careda anota.
Pa Brazil a destaca na plato Mayra Akamine y Tsuani Yamaguishi di 4-1, Fernanda Shiroma 3-1 cu un rbi, Beatrice Nakae di 2-1 cu 2 rbi. Un palabra di pabien na Venezuela cu medaya di “oro” , pabien na Brazil cu medaya di “plata” y pabien na Argentina cu medaya di “bronze”. Pabien na atletanan di tur 6 paisnan cu a competi riba un nivel hopi hopi halto. Deporte di softball sigur a sali gana. Aruba a luci como anfitrion pa prome biaha den historia.
