Awe Venezuela a organisa un simulacro electoral pa train p’e eleccion di dia 6 di december proximo. A pone mashinnan nobo di votacion aunke cu oposicion ta considera esaki como fraude. Presidente di Conseho Nacional Electoral (CNE), Indira Alfonzo, a invita ciudadanonan pa participa na e simulacro aki.
Tabatin 381 centro di votacion rond henter Venezuela cu a habri for di mainta y lo sigui habri te cu 3:00PM. Alfonzo a bisa cu ta conta cu un sistema automatisa cu desde su fase pre electoral ta completamente audita. Di otro banda, oposicion Venezolano ta considera e eleccionnan aki fraude. E rectornan ta nombra pa CNE y no door di e Supremo Tribunal di Husticia (TSJ) y Asamblea Nacional (AN).
Tambe nan no ta acepta e miembronan di TSJ, pasobra esakinan ta sostene Gobernante Chavista. Riba ordo di TSJ, a traspasa e liderazgo di e partidonan aki na ex militantenan. E militantenan aki ta acusa di corupcion pa nan ex compañeronan. E logonan, nomber- y colornan di organisacionan di oposicion principal lo ta riba e papel electoral pero no bou liderazgo di politiconan cu ta na cabes.
Texto y potret cortesia di EFEI0499 y FE/Miguel Gutiérrez/Archivo
