Diahuebs mainta un informe lamentabel a drenta cu a horta den cuater truck di Crown situa na e deposito cu ta keda na Sabana Blanco Dakota.
Locual cu por a compronde ta cu algun trahado lo a yega deposito a tuma nota cu e trucknan lo ta faltando bateria, a bay controla y a bin constata cu cuater di e trucknan aki falta nan bateria. Cada biaha ta mas compania ta bira victima di ladronicia y Crown no a scapa di crimen riba nos Isla. Polis a presenta y tuma tur datos necesario pa sigui un investigacion. No ta sigur ken a raporta e ladronicia ni na ki ora esaki a tuma luga.
Un persona encarga a presenta na sitio y tur detayes a bay den man di polis pa asina nan por continua cu nan trabou di averigua ken lo ta responsabel di e acto aki.
