Diabierna atardi durante un control rutinario di Polis den Ranchostraat algun habitante no a keda masha contento cu presencia di autoridad den nan caya. E hendenan a bira fresco, falta autoridad respet y hasta bay asina leu di agredi un polis uniforma. Varios detencion a cay, mayoria tabata di edad basta jong. Refuerzo a wordo pidi cu urgencia pasobra ora a bay haci un detencion, e grupo a lanta contra Polis. For di tur skina refuerzo a bin. E Mobiele Eenheid tambe a sali. A logra pa libera esun deteni. Mientrastanto refuerzo a yega y parti di e grupo aki a cuminsa core pasobra cos a bira cayente pa nan. Asina a logra bay nan tras. A detene varios di e guynan jong cu ta perdi den benta di droga den Rancho. Hasta un di e muhernan cu tambe ta meti den porkeria a keda deteni. Mayoria di e hobennan aki no ta bay scol y den dia y anochi pa marduga ta bende droga. Hasta nan sa tira atraco riba hende marduga ora nan ta caminda pa cas. Un situacion hopi tristo.
