Vandalismo haci riba edificio di grupo di Scout Baden Powell

377

Mainta un di e lider di grupo di Scout Baden Powell a yega na e blokhut y a mira con personanan a vandalisa e luga. Esaki no ta prome biaha cu cosnan aki ta pasa cu e grupo di scout. Esnan cu a vandalisa e luga aki a kibra bentana, a benta cosnan abou y a bay cu algun cos.

Hoben- y chollernan sa kibra eynan caba, pero nan no sa ken ta haci esey. No mester kibra ni benta cosnan abou, pasobra e lidernan ta traha pa hubentud. El a splica cu economicamente nan no tin placa pa cada bes drecha e luga ora vandalisa esaki.

Vandalismo a bati na porta di Grupo Scout Baden Powell

Vandalismo a bati na porta di Grupo Scout Baden Powell

Posted by 24ora on Wednesday, January 13, 2021

E lider a sigui bisa cu si esnan cu ta hacie kier drenta e scout, por bira miembro. Pero nan ta pidi pa no sigui vandalisa of kibra e blokhut, pasobra nan mester di esaki pa yuda e muchanan di Madiki. No ta prome biaha nan ta haya bishita y a entrega keho na polis, pero te cu awo no a haya esnan responsabel.