Den e conferencia di prensa ofreci dialuna atardi na Marriott posterior na e reunionnan sosteni, Secretario di Estado Alexandra van Huffelen a mustra cu Aruba ainda tin espacio pa evita cu Gobierno di Reino mester dicta un instruccion (KB) riba Aruba.
“Loke mi sa ta cu ainda tin combersaccionnan andando. Aruba mester reaccion riba e proposicion cu CFT a haci. Mi ta kere mester wak bon prome kico esey ta saca afo y posteriormente dicidi hunto den Conseho di Minister di Reino. Pero esey nos ta haci despues di a papia cu Pais Aruba, pa cual mi ta pensa cu nos no ta na e punto ainda cu nos mester haci un escogencia. Ta hopi importante pa Aruba wak bon na e recomendacionnan di CFT”, van Huffelen a bisa.
Pa aworaki, e secretario di estado a indica cu a papia cu otro riba e diferente opcion pa coopera cu por hiba na reformanan. E detayenan di e scenarionan aki no ta duidelijk ainda, pero si a intercambia di pensamento riba cua ta e miho manera pa yega na acuerdonan y ta spera cu na augustus lo por tuma un decision.
