E actual Minister Plenipotenciario na Merca tin di bay y esey kiermen gobierno mester a busca un otro candidato. Den luna di september 2022 a propone abogado, mr. Ronnie Wix, como e proximo Minister Plenipotenciario na Washington y a encamina e proceso di screening. Pero, awo el a scoge pa sigui cu su profesion y no bira Minister Plenipotenciario mas.
E siguiente nombramento tin di bin fo’i partido RAIZ. Ursell Arends, lider di Partido Raiz, a indica cu tin cu cana e proceso adecuado y formal. Pero asina cu esey ta cla, nan lo informa comunidad debidamente.
Awo nan ta den e proceso pa propone un otro candidato como Minister Plenipotenciario, cu e speransa cu Hulanda lo acept’e. Asina cu esey ta cla, lo haci e anuncio oficial. Pero, e proceso pa screen un Minister Plenipotenciario na Merca, ta dura por lo menos seis luna y e screening mes ta den man di Servicio di Inteligencia di Hulanda mes.
