Un topico hopi den publicidad ultimamente ta e Environmental Leveling (Impuesto pa proteha medio ambiente) cu Gobierno di Aruba kier bin cu ne.
Leonardo Figaroa, di Partido Politea a indica cu e ta contra di e impuesto aki, cu segun gobierno cu si mas cu 70% di e planta di RWZI ta wordo uza pa turista, nan lo cobra nan un ‘sustainibility fee’, cual ta un suma di 20 dollar adicional cu lo cobra e turista. Esaki ta sea si e turista ta keda den un hotel, si e ta uzando un sistema di riolering of no. E turista cu ta kedando den un Airbnb, cu ta pagando e servicio septico tambe den loke e ta pagando caba.
Por ehempel, cobra un turista un impuesto cu ta algu cu e no ta haci uzo di dje. Y segun Raad van Advies, esey no por. Y e contesta di gobierno ariba kico Raad van Advies, ta respuesta di gobierno na Raad van Advies ta demostra e incompetencia di e gobierno aki pa motiva e pakico nan ta para tras di e sustainability fee (tasa di sostenibilidad).
Un otro punto importante cu niun hende a cay riba dje, ta cu e turistanan ta pagando dos sorto di impuesto: Uno ta Tourist Heffing cu un parti ta bay pa ATA, otro parti pa gobierno p’e TPF fund y e turista tambe ta paga un impuesto special riba nan estadia.
Si bo ta keda den un timeshare resort, sea bo ta kedando den un hotel, ta dependiendo di e camber den cual bo ta keda e turista mester paga un tarifa. Pero gobierno ta subi e tarifa di e camber di timeshare for di 10 dollar pa casi 40 dollar, cual ta un aumento di 30 dollar, ademas di e tasa di sostenibilidad.
Figaroa a sigui bisa cu el a puntra Minister Ursell Arends, tocante un bestemmingsheffing, cual ta por ehempel AZV. E ciudadano ta paga BAZV na DIMP y esaki na su turno ta duan AZV pa cubri e gastonan medico. Den e ultimo 16 simannan Figaroa a bisa cu el a haya les tocante belasting for di e mesun Directora di DIMP, mr. Luenne Gomes- Pieters. Y niun caminda el a siña tocante un bestemmingsheffing of un Environmental Levy niun caminda. Loke e kier sa ta si tabatin un advies riba un bestemmingsheffing manera Minister Arends a papia di dje y dicon gobierno no a introducie.
El a indica cu pronto Minister di Finansa por ricibi un carta of un peticion tocante un bestemmingsheffing aki ya cu e kier sa si tabatin un conseho riba esaki. Minister Arends a bisa cu gobierno lo bay introducie.
Mas aleu, Figaroa a bisa cu loke ta problema di naturalesa na Aruba ta, cu tin un situacion tin un situacion di greenwashing. Esaki ta un fenomeno hopi ‘in’ aworaki. Tur hende ta consciente cu medio ambiente y naturalesa ta algo urgente riba diferente topico pa e generacion binidero. Tin companianan cu ta marca nan producto como sostenibel of berde of 100% reciclabel. Pero ora di haci investigacion den e cadena di produccion, e mesun productonan aki no ta sostenibel. Y cu no ta tene cuenta cu medio ambiente manera cu e ta. Esaki ta loke Gobierno ta haciendo awor cu e tarifa di sostenibilidad. Turista por gobierno kier lanta un compania publico manera AWSS, pa maneha e situacion di gobierno local y su e procesamento di awa.
Esaki ta un decepcion pa gobierno local y Ministerio di Naturalesa pasobra nan no ta haciendo suficiente y no lo haya e otro leynan cu Aruba mester. Lamentablemente, eleccion ta yegando y no tin recurso pa haci mas.
