Un poco prome cu 2:00 am di diasabra, patruya di Playa a presenta na Four Seas Bar & Restaurant na Solita, caminda un homber burachi a agredi un otro persona den e establecimento.
Ora cu a purba di interveni, e homber a bira manera un Hulk y a purba di dal e polisnan tambe. Aki nan a logra domin’e y detene, pero no sin ayudo di por lo menos tres unidad y dos oficial di unidad motorisa y asina, na man cu pia a logra hiba e homber na ward’i Noord, unda cu a present’e dilanti fiscal auxiliar, p’el a responde pa su actonan.
E por a pasa e resto di marduga ta saca su wayaba den cel.
