Despues di a reuni cu prome Minister Evelyn Wever Croes diaranson den oranan di emrdia pa atardi, e lider di UPP Booshi Wever, a informa oficialmente cu nan partido ta na fabor pa bini awo cu un Zaken Kabinet.
E tema ta e condicionnan cu Hulanda a pone pa los e siguiente tranche di prestamo pa financia gastonan di Gobierno, FASE y Subsidio di Salario. Ta trata di loke nan ta yama un Super Entidad cu ta bay Goberna Aruba enbes di politiconan cu a participa den un eleccion na Aruba.
Aki COVID-19 a crea un oportunidad unico pa Hulanda impone medidanan cu e tabata tin den tapara hopi tempo caba, Wever ta bisa.
E intencionnan intervensionista di Hulanda ta bay contra nos derecho inalienabel di autodeterminacion, pero nos mester keda realistico. Nos mester acudi cerca Hulanda pa ayudo financiero, pasobra sin Hulanda nos lo hundi financieramente por completo, loke ta nifica pobresa y hamber. UPP ta kere cu enbes di cay na rudia y acepta sin mas e condicionnan of start un guera cu Hulanda, tin un opcion y esey ta reestablece confiansa door di apunta un “zakenkabinet” cu lo delibera cu Hulanda pa yega na un protocol.
Loading…
Reload document 
Open in new tab Si un “zakenkabinet” por conta riba sosten di tur gremio, elo por conduci na gana e confiansa back di tanto di e pueblo Arubano como di “politiek Den Haag”! E “zakenkabinet” aki lo mester tin tareanan special y specifico. Nos mester ta honesto y sincero, NINGUN gobierno politico lo trece e REFORMANAN necesario, pio ainda den un aña di eleccion.
Den e carta cu ta compaña e articulo Wever ta splica ampliamente e posicion di su partido.
