Stichting Rancho desapunta cu bashamento abou di cas historico

1343

No mucho dia pasa Stichting Rancho a caba di firma pa tuma un “beheer overeenkomst” hunto cu Stichting Monumenten Fonds. Ni 10 meter leu di e Forno di Kalki cu ta totalmente conserva, e cas Ranchostraat 3 a cende na candela. E cas aki ta algo historico, tin un balor monumental.

Den tur rapport cu tin traha, e cas aki ta un monumento mas cu tin den e area di Rancho cu mester di proteccion. Stichting Rancho a ripara cu a cuminsa basha esaki abou. Clifford Rosa di Stichting Rancho ainda no por compronde kico por a sosode y tampoco con e proceso a cana.

Stichting Rancho desapunta cu bashamento abou di cas historico

Stichting Rancho desapunta cu bashamento abou di cas historico

Posted by 24ora on Thursday, July 9, 2020

Si un doño kier basha abou un monumento, kico esey ta nifica pa Aruba, p’e herencia, sistema di herencia material. Tur e storia cu tabatin den e cas aki a bay perdi den 2 dia awo cu a bash’e abou.

E cas aki ta manera e otronan cu tin den e area y e fundacion no kier mira pa basha nan abou. Segun Rosa, den pasado a puntra nan con pa haci tumamento over di un cas como Stichting Rancho. Esey no a pasa y despues e cas a kima, pero no sa kico a pasa. Den e caya di Ranchostraat tin hopi historia, casnan cu hopi balor y awo esaki a bay.

Stichting Rancho a yega di papia cu e unico doño di cual e ta un tiki dificil pa nan compronde kico lo a sosode. Esaki ta algo cu nan no a spera. Mayoria cas rond di e forno tin mas di 100 aña. Nan no a tende nada di e doño kico lo pasa cu e tereno, pero nan kier sa kico a pasa. Esaki ta algo cu no mester pasa mas. Mester bay educa hendenan cu ta biba den e area di Oranjestad mas ainda riba e balor y ta pidi pa gobierno atende e documento cu e fundacion a pidi p’e proteccion di area.