Un regalo di Pasco: Acuerdo di Brexit

1120

Union Europeo y Inglatera finalmente a yega na un acuerdo comercial cu ta drenta na vigor dia 1 di januari. E negociacionnan a tranca durante varios luna y tabata mustra cu lo cera aña sin un acuerdo. Pero awo si tin. Ainda hopi detaye no ta conoci, pero un acuerdo comercial di e tipo aki ta nifica, den cualkier caso, cu (casi) no ta cobra impuesto di importacion. Esey ta limita e necesidad di control na frontera. Awo mester finalisa cu e papeleonan y vooral garantisa cu comercio lo no bira mas caro.

E siguiente detayenan

Debi cu e negociacionnan a tuma mas tempo cu a spera, e detayenan no lo bira conoci te mas despues. E paisnan miembro ainda mester aproba e acuerdo realisa. Esey por a tuma luga awe, pero e presidente temporal di Union Europeo, esta Alemania, a dicidi cu e embahadonan di Union Europeo na Brussels no lo reuni awe mas tampoco.

Rigido

E negociacionnan lo tabata extremadamente dificil durante henter aña y a sigui un plazo tras di otro. Hasta ta demasiado laat pa Parlamento Europeo aproba e acuerdo prome cu dia 1 di januari. Tin mester di un artificio pa e acuerdonan drenta na vigor entrante 1 di januari di tur modo. Pa logra esaki, hefenan di Gobierno mester acorda e asina yama entrada na vigor condiciona. E aprobacion parlamentario real lo tuma luga despues.

Piscamento den lama Ingles

E ultimo punto cu a complica e negociacionnan tabata pesca. Durante hopi tempo, paisnan no por a bay di acuerdo riba cuanto piscado di Union Europeo por sigui pisca den awanan Britanico despues di dia 1 di januari y bou ki condicion. No obstante, a yega na un acuerdo na ultimo minuut.

Miedo di e Hulandesnan

Ta sigui existi e miedo pa competencia desleal di Inglatera, cu por daña pa e piscado of e comerciante di flor Hulandes. “Pa evita esaki, e Inglesnan mester respeta e normanan Europeo pa impedi acceso na mercado Europeo. Si surgi un situacion inhusto entre Inglatera y Union Europeo, un parti independiente mester drenta den e escena pa resolve e disputa. Tras di e escena na Den Haag , por a scucha keho: E acuerdo aki no ta suficientemente duro? E normanan riba ayudonan estatal tabata otro tema delicado. Awo tambe a idea un solucion pa esaki, aunke e detayenan ainda no ta cla.

Desconfiansa

E acuerdo a concreta den un tempo record, pero tabata principalmente un encuentro entre dos deseo den conflicto. E Britaniconan ta desea di ta mas independiente posibel y e Europeonan ta desea pa compromete tanto cu ta posibel hunto, pasobra Union Europeo ta basa riba acuerdonan conhunto riba comercio y pesca. Di e banda Britanico tabatin falta di preparacion, di e banda Europeo a scucha e desconfiansa pa cu London. Un diplomatico bon informa di un pais Europeo a describi e proceso con pa “casa cu un acuerdo prenupcial, pero e Britaniconan ta ansioso pa hunga weg’i ladron.”

A evita habri aña sin acuerdo

Pero cuidao: Esaki ta sigui un acuerdo di negociacion. E 27 paisnan miembro di Union Europeo ainda tin cu aproba y ainda por tin un problema. Den e “acuerdo di divorcio” na november di 2018, Spaña a mantene e mocion te na ultimo momento debi na Gibraltar. Ademas di e paisnan miembro, Parlamento Britanico y Parlamento Europeo ainda no a duna luz berde, pero den cualkier caso a evita un scenario sin acuerdo pa e aña nobo. 
Si ainda, despues di e referendum di Brexit, ta existi temor di un reaccion den cadena (un “nexit”, un “frexit”), e temornan aki ta infunda. Despues di cuater aña di incertidumbre y na ocasion, caos politico na London, no tin ningun pais miembro cu kier sigui e mesun trayectoria. Na Hulanda, hasta ta papia di un proyecto di ley di miembronan priva pa mara e participacion na Union Europeo den constitucion di Reino Hulandes.