Diabierna, algo pasa di 4:20pm, Polis a bay den e bario di Madiki unda cu un auto lo a dal un palo di luz. Aparentemente e pareha cu tabata den e auto aki, a baha y a bandona e sitio na pia. Despues di un bon rato e doño di e vehiculo y chauffeur cu a huy, a presenta na sitio pa bisa cu e auto ta di dje.
Pero takelwagen a presenta na sitio pa asina transporta e auto pa Balashi. Bisiñanan a bisa cu e homber ta ilegal y ta pa e motibo aki mes el a huy. Polis di trafico tambe a presenta na sitio pa tuma dato di e sucedido. Personal di Elmar tambe a presenta pa drecha e palo.
