Diahuebs awor 5 di December pa 8pm, Ateliers ’89 Academia di Bellas Artes Aruba un biaha mas lo presenta un anochi unico na Ateliers ’89, cu apertura di su ultimo exposicion pa 2019. Ta trata aki di e exposicion di su workshop di ceramica “Bourgeoiserie”.
Hunto cu e exposicion special di su artista den residencia Xaviera Hardjopawiro. Y manera semper lo tin un bar y cushina bon surti bou animacion di su master Dj Adriano Nanof. Entrada ta liber pa un y tur por bin gosa di obra artistico.
Loke ta haci exposicion aki uno unico ta e participantenan. E artistanan aki a bin ta traha masha duro mes e ultimo luna aki, durante e workshop di ceramica na Ateliers ’89, hunto cu e simpatico maestro grandi den ceramica Tilmann Meyer-Faje. Nan a logra traha un gran cantidad di obra. Un workshop cu no tawata facil mirando e momento cu e arte contemporaneo actual ta pasando aden y ceramica. P’esey e titulo Bourgeoiserie. E kico ta contemporanidad, diseño, o obra di man. Un combersacion cu semper ta keda un polemica. Cu esaki den mente a traha toch hopi obra.
Di chikito como prueba, te grandi cu e gran yudansa di Ciro y Marian Abath di Aruba Glass and Ceramics a logra finalisa tur esakinan na tempo. E participantenan mes despues di a haya e opdracht, di sinta pafo den scur y despues bin traha obra, unda hopi no a bin mas y cu tur locual tawata diferente. Ta keda di admira cu e participantenan Rodrigo Michelanagelo, Eefje Steegs, Alexis Dirksz, Xaviera Hardjopawiro, hunto cu e maestronan, Susanne van Spall, Marlene van Blarcum y e meastro artista Tilmann Meyer-Faje, a sa di logra toch otro exposicion hopi importanate y cu obranan excepcional.
