Auto a baha di caminda dal homber trahando band’i caminda

4328

Ta parce cu velocidad halto a causa un accidente den bario di Pavia diaranson den oranan di merdia, unda un persona a resulta herida.

Reporteronan di 24ora.com cu a bay na e sitio a haya informacion cu e victima di e accidente aki ta un persona na pia. Ta parce cu e auto biniendo cu velocidad halto, den un “flauwe bocht” a perde control y no por a wanta e auto riba caminda. El a baha un poco di e caretera y alcansa un homber, kende tabata chapi y corta mata dilanti un cas riba e caminda grandi di Pavia.  

Segun testigonan, e impacto tabata fuerte y a causa cu e victima a bay halto. Ambulance a transporta e victima pa hospital.