E organisacion di U Have a Talent (UHAT) a tene un conferencia di prensa na Cas di Cultura unda cu nan a duna un splicacion di e evento cu nan ta preparando

Tilly Vloor, president di UHAT, a splica cu en realidad nan a bin ta trahando cu diferente organisacion pa logra pone e evento di 18 di October awo riba pia. Uhat conhuntamente cu 3 otro fundacion ta organisando  un tremendo Talent Hunt cu lo ta hopi anima den Cas di Cultura. Lo tin presentacionnan di muchanan, adultonan y hobennan. E edad di participantenan ta varia entre 5 y 100 aña.

UHAT cu nochi di talento pa chikito y grandi na Cas di Cultura

UHAT cu nochi di talento pa chikito y grandi na Cas di Cultura. Click link pa mas https://24ora.tv/2M2dVEQ

Posted by 24ora on Wednesday, October 9, 2019

UHAT ta un organisacion non profit cu ta hopi activo den nos comunidad Arubano. E ta traha riba terenonan specifico di arte visual y arte di tarima. Sra Vloor a splica cu nan ta encurasha e persona cu a bin dilanti cu su talento pa sigi desaroya esaki. Tur hende a ricibi por lo menos 1 talento  di nan Creador y awo ta e tempo pa explora y siña cua parti di bo caracter ta haci abo e “bold person” pa usa loke bo tin aden. UHT kier aumenta e libertad den e gruponan di meta pa nan ta mas creativo.

E  fundacionnan cu ta respalda UHAT den e evento di 18 di october  den Cas di Cultura ta:

Sound the Alarm Team                  Sra Althia do Nascimento – Wilson

Fundacion Baby Zoē                       Sra. Angela Croes

Fundacion B2L                                   Sra Roselyn Berlis – Petrochi

“Nos ta kere den traha hunto cu otro fundacion- y organisacionnan den nos comunidad. E anochi aki lo tin presentacionnan  den e disciplina di: teatro, baile, musica, canto,filmacion cu un mensahe importante. “

Invitadonan special ta: Humphrey Obispa; Jeanelly Wilson; Gismary Leanrz y Rap Group Starz…………………………………………….

E fundacion aki, lanta door di sra. Vloor, ta depende hopi riba e fondonan existente pa ayudo financiero.  Tambe tin boluntarionan cu ta yuda nan cu donacionnan tanto materialmente  y financieramente pa “ make both ends meet or break even. “ Den futuro nan lo kier funciona independiente cu e fondo cua a spaar cu ne diferente eventonan.Pa logra esaki nnan kier:P

• Haci e grupo di participante activo y pasivo mas grandi cu ta duna danki na nan Creador p’e talentonan  y fabornan ricibi.

• Move mas den e diferente barionan den Aruba pa haya mas participantenan den e actividadnan di UHAT.

• Yuda mas hende desaroya nan talento door di informa participantenan cua ta e posibilidadnan pa sigui desaroya nan talento (nan)

• Yuda nan pa haci loke nan ta gusta cu pasion y pone habilidad aserca.

• Aumenta e amor pa arte y cultura den nos comunidad.

Tur cos ta  depende di e reto financiero cu semper  ta bay mano a mano encuanto eventonan di arte sea Expo di arte visual o arte di tarima,

Ya caba tin carchi na benta di  25 y 15 florin pa adulto y mucha respectivamente. Si tin suficiente lo  bende  na Cas di Cultura tambe.

Pa mas info yama  of whatsup nos na 742 6334// 564 9733//  744 6869// 593 6063

Lugar cu ta bende carchi: Plaza Book Store (Dakota); Almacen Elunid (Tanki Flip); Citgo Essoville (San Nicolas).

Comments

comments