Diahuebs atardi turistanan cu tabata ya caba casi na final di nan offroad a keda na pia. Gosando di e parti un tiki mas bruto di nos costa y camindanan panort di nos isla, na dado momento banda di e rotonde cerca di Palo Marga e Buggy cu nan tabata riba trip cune a pega candela.
Polis a wordo avisa pero tambe personal di bombero. Na yegada no por a haci masha. E vlamnan tabata hopi grandi. Algo a pasa cu e vehiculo a pega candela. E ta di un compania di huur. Tabata tin mas turista cu vehiculonan similar. Polis a tuma datos. E compania di huur a wordo avisa y nan a bin busca e turistanan y tambe e vehiculo tambe a keda di move.
No a resta nada mas riba e vehiculo cu por wordo usa. E skelet so a keda. Importante ta cu e turistanan no a sufri daño personal. E mondi tambe a manera wordo afecta cu e candela grandi cu a domina full e vehiculo.
