Turista a hoga pabou di Hotel na Palm Beach

Diahuebs atardi pa mas o menos 4:00pm a bati alarma den area di High Rise Hotel Pa un turista cu tabata drief boca abou den lama. Strand Politie a sali cu urgencia pa e sitio. Na yegada a topa cu un boto di un watersport cu un homber drumi aden. Tabata purba yude pendiente yegada di Paramediconan di Ambulance. Dos Ambulance a yega y Paramediconan a warda esunnan presente baha e victima for di boto y trece riba beach.

Turista Mericano O.D Earnshaw di 83 aña a hoga na Palm Beach

Posted by 24ora on Thursday, May 10, 2018

A cuminsa atende cune y trata di scapa su bida. Esaki tabata dificil pasobra e tabata morto caba. Pa 4:55pm Dr. Texeir a constata morto di O.D. Earnshaw naci na Merca dia 22 fi januari 1935. Slachtofferhulp a presenta y asina asisti e famia pa cu e tramitenan. Fiscal no a haya necesario pa tuma e curpa den beslag.

E personal di Watersport a splica cu nan tabata pasando pabou di e hotel pafo di e zona di landamento y a mira e homber ta drief straño. Mesora a aserke y ta resulta cu e tabata for di tino. A sake trece tera y asina notifica autoridad. Personal di Kustwacht tambe tabata den e area y a yega na e beach. Paz na su restonan.

Famia no  tabata sa mes cu e homber tabata perdi den lama. Slachtofferhulp a wordo avisa pa asina presenta na e sitio pa atende cu e famianan. Paramediconan a notifica dokter pa bin na e sitio. No ta conoci desde ki ora e ta den lama ta drief. Declaracion di tur esnan envolvi a wordo tuma dor di autoridad. E imagennan aki ta duna un tiki indicacion di e situacion na Palm Beach diahuebs atardi ora cu e turista Mericano a fayece disfrutando di nos lama. Pas na su restonan y forza na e famia.