“E trabou voluntario ta bira completo ora por wak e muchanan core nan bicicleta y regresa cu un sonrisa”.
Tri Bike Aruba, e mihor tienda di bais y multi-sport na Aruba, conhuntamente cu Speedworx Cycling Team ta continua cu Kids Bike Jams 2018 den su di seis edicion.
E ciclistanan infantil cu ta den training desde januari finalmente diasabra 16 di April ultimo, nan a haña e oportunidad pa strek e pianan durante competencia!E ambiente den Parke Arikok tabata positivo y e emoción tabata palpable na momento cu a ranca sali for di circuito di Dos Playa cu e start jena cu mucha y joven riba nan bicicleta.
Danki na e colaboracion cu e partnernan y Tri Bike Team y nan sponsor, cu ta hasi posibel pa dispone di e evento nan di Kids Bike Jams 2018. Un gran cantidad di coredornan di bicicleta di Mountain Bike cu e gran deseo pa siña e deporte y cla pa sigui den e pasonan di nan compañeronan.
Bon noticia! Algun di e coredornan joven ta move asina rapido y nos lo wak nan start un biaha mas diasabra 26 Mei na e circuito di Safir. Asina ta no lubida di bin apoyo y duna sosten na e muchanan y e jovennan.
E resultado di e promer session Kids Bike Jams circuito Dos Playa;
Cat. 1 Boys: Kendrick Jansen
Cat. 1 Girls: Shanea Kelly
Cat. 2 Boys: Shandrick Wathey
Cat. 2 Girls: Nailah de Cuba
Cat. 3 Boys: Christiaan Jansen
Cat. 3 Girls: Victoria Uribe
Cat. 4 Boys: Justin Morales
Cat. 4 Girls: Elise La Haye
Kids Bike Jams ta un campeonato di ciclismo di Mountain Bike cu ta un espacio exclusivo, divertido y sigur pa muchanan di 6 pa 14 aña, cu e unico meta pa promove ciclismo di mountain bike bou di e grupo aki. Kids Bike Jams ta probecha di e gran acogida y popularidad di e deporte actualmente hunto cu e clubnan cu ta ofrece lesnan di ciclismo pa mucha, Tri Bike Kids Team, Velocity Cycling Team y San Fuego Cycling Club.
Tur mucha ta bon bini pa bin inscribi pa participa na Kids Bike Jams na Tri-Bike Aruba te cu diahuebs 24 Mei, 6:00pm.
E proximo dos eventonan ta dia 24 Mei 2018 y dia 16 Juni 2018 cuminsando pa 7:30am.
