Si wak e produccion di Oficina Central di Estadistica hopi lo bisa cu esaki ta tiki pa un instancia asina importante den e maneho di un pais. Pero esaki tin di haber cu diferente factor.
Berdad cu cifra y analisis di cifranan ta masha importante den maneho, Si bay riba e website, por tuma nota hopi di loke tin disponibel ta data 2019 y 2020. Esaki no ta posibel pasobra un pais mester di su cifranan up to date. Pero ora di lesa e relato 2023 di e departamento aki, ta tuma nota cu hopi di e trabou tranca ta debi na falta di personal.
Den e relato mes ta skirbi cu tin un presion creciente di parti di comunidad, di gobierno, pero tambe for di Hulanda (TWO) y UN (SDG’s) pa mas estadistica. E cuerpo di personal pa e motibo aki mester wordo amplia mas lihe posibel. Esaki no tin nada di haber cu e (re) organisacion di CBS, pero ta un necesidad structural necesario pa personal di kader.
E falta di personal aki no ta algo di awo pero di hopi aña caba. A tene tur esaki na cuenta ora cu a bin ta traha riba e formatierapport (algo cu nunca a haci desde cu Aruba a haya su status aparte). E ta cla caba mientrastanto y ta na Departamento di Recurso Humano pa su evaluacion.
Aunke cu den e lista di necesidad agrega den e relato anual por lesa cu tin necesidad pa 34 funcionario, den e splicacion ta menciona cu loke nan mester crece yega te na 26 funcionario full time. Y cu esaki por sosode den fase y ta dependiente di e desaroyonan anual riba tereno di estadistica. E aña’ki nan mester sigur di 8 funcionario full time. E siguiente aña mester minimo 4 full time.
Aunke cu e constelacion di e personal por cambia, e cambio for di e organisacion actual pa esun nobo lo por influencia e necesidad pa personal di kader. E presion local y internacional pa mas data y estadisticanan ta percura pa mas trabou y cu esaki un aumento den e cantidad di trahadonan necesario.
Loke cu a constata durante e periodo di pandemia cu e trahamento na cas tabatin un impacto positivo riba productividad di colaboradonan di CBS. E forma hibrido aki di funciona a haya atencion rond mundo. E ta aumenta e productividad y ta crea un miho balans entre trabou y e parti priva.
E resultado tabata asina bon cu CBS a pidi e minister encarga pa mantene e forma di traha aki, y mara esaki na cierto reglanan pa evita e eventual mal uzo di e opcion di trabou aki. Tanto e minister como CBS ta en espera ainda di e conseho di Departamento di Recurso Humano.
CANTIDAD DI PERSONAL
E tipo di trabou cu a bin ta haciendo na CBS ta haci cu tin un necesidad mas grandi pa colaboradonan cu mas educacion. Sinembargo asina mes, nan ta bisa, cu no mester mira e educacion specificamente. Asina por ehempel tin trahadonan na CBS cu menos educacion y hopi aña di servicio cu ta actualmente den schal mas halto (2 Wnd), y esnan di educacion mas halto cu tin poco experiencia, DRH ta hinca nan den schaal 7 (0 Wnd).
DATO DI PERSONAL
Na final di 2023 tabatin 7 trahado na CBS te cu schaal 8 (25.9%) y 20 funcionario den e schaalnan 9 bay ariba (74.1%). Di e trahadonan na CBS (27 Wn) 18 ta hende muhe (66.7%) y 9 hende homber. Durante 2023 a haci evaluacion di 20 funcion den CBS di schaal 9 of mas halto, di cual 12 tabata hende muhe (60.0%) compara cu 8 hende homber (40.0%).
Edad averahe di e trahadonan di CBS tabata 48.7 aña, e añanan di servicio averahe ta 20 aña. Pues un gran cantidad di trahado tin hopi aña trahando cu CBS.
ABSENTISMO
Contrario na otro departamentonan crucial, e ausentismo of absentismo na CBS por mir’e di un forma positivo. E cantidad di dianan averahe malo ta 22.6 dia. Si exclui e tres trahadonan cu ta malo pa un tempo largo, e averahe lo ta 13.3 dia pa trahado.
Het gemiddeld aantal ziektedagen over het jaar 2023 was 22.6 dagen. Indien de 3 langdurig zieke medewerkers worden uitgesloten bedroeg dit gemiddelde 13.3. De mediaan (de waarde
E ziekmelding den 2023 pa trahado tabata 2.7.
Manera menciona den un articulo anterior, ainda CBS ta ubica den e edificio di Sun Plaza. E mandatario encarga ya caba a expresa su decision pa muda e oficina pa un area mas centro, pero a pospone esaki pa 2025 y no sa tampoco pa cual area specifico.
