Pa 1’or di merdia tres hues a duna sentencia den caso Ibis. Aki hues a declara Paul Croes culpabel di e cargonan contra dje.Tambe su casa Melony Paesch a haya vrijspraak cerca varios cargo cu anteriormente e tabata culpabel, entre otro su administracion cual procurador general a haya ‘gebrekkig’.
Compara cu e sentencianan dicta anteriormente, tabatin algun cambio caminda cu entre otro Jairo Wever, kende inicialmente tabata culpabel, a haya un vrijspraak.
Mirando e decision di hues, e hecho aki a afecta Paul Croes. Vocero di Ministerio Publico, mr. Patrick v/d Biezen a comenta den un rueda di prensa cu hof a yega na e sentencia cu tur seis hecho ta castigabel.
Castigo a baha un poco, e ta 3 aña di prizon y tambe loke cu a pidi cu ta cu e no por bay den politica of ocupa un funcion publico pa 8 aña. Pa loke ta su casa, Melony Croes-Paesch, a acus’e di un hecho. Labamento di placa e ta liber. P’e otro hecho si el a haya sentencia. Castigo ta 120 ora of 60 dia di prizon.
Desapunta
Paul Croes ta sinti cu basta cos treci dilanti na e tres huesnan, no a tene nan na consideracion. Lo haci un evaluacion hunto cu su abogado y famia, kico lo ta e miho decision na e momentonan aki. Si nan lo keda lucha.
Hof a haya Paul Croes culpabel pero a baha e castigo
E decision di Hof ta conoci. El a haya un condena di 3 aña cual ta un aña menos cu loke corte di prome instancia a dicta. Banda di esaki, a tuma e decision cu durante ocho aña e no por eherce e funcion di politico pero tampoco pa traha den aparato gubernamental.
Melony Paesch a haya vrijspraak pa e acusacion di labamento di placa y a keda solamente e parti cu el a haci uzo di un persona ilegal pa cuida su yiunan y wak p’e cas. Pa esaki a impone 120 ora di trabou na comunidad.
Tambe a haya Robbio di Vecchia culpabel di soborno. A haya permiso regla a cambio di bon prijs pa airco cu e mandatario tabatin mester. P’esaki esaki el a haya 2 siman condicional y tres aña di prueba.
Ninosca Nunez, tramitador a haya un castigo condicional di 150 ora di trabou pa comunidad y kita e dianan cu e tabata deteni (converti den 52 ora).
Jairo Wever, condena den prome instancia, declara liber. Igualmente Yvonne Martinus. Paul Croes condena na 3 aña di prison y 8 aña no por postula como politico y tampoco por traha den Gobierno.