Den e prome pais na mundo cu a legalisa matrimonio homosexual, e prinses heredero Hulandes tin derecho di casa cu un persona di cualkier sexo sin renuncia su derecho n’e trono, segun minister-president Mark Rutte a informa diamars despues di un pregunta di Tweede Kamer di parti VVD.
E cuestion a surgi despues cu un buki publica recientemente a sostene cu e normanan dje pais ta exclui e posibilidad di un pareha real di mesun sexo.
Pero prome minister, Mark Rutte, a bisa cu e temponan a cambia desde cu un di e predecesornan a aborda e cuestion pa ultimo biaha na aña 2000.
“Gobierno ta kere cu e heredero tambe por casa cu un persona dje mesun sexo”, Rutte a skirbi den un carta dirigi na Parlamento. “Por lo tanto, e gabinete no ta considera cu un heredero dje trono of e Rey mester renuncia si e kier casa cu un pareha di e mesun sexo”.
Posicion oficial di gobierno ta cu un heredero di e trono mester renuncia si e casa cu un persona di e mesun sexo. Despues di e introduccion di matrimonio pa e parehanan di mesun sexo na 2001, e gabinete a mantene su posicion tocante esaki debi cu e trono ta hereditario y “ta sigura di antemano cu ningun yiu por nace di e matrimonio aki”.
Pa cobertura mas amplio lesa edicion di TREMPAN mañan.
