Diasabra merdia rond di 11:45am mas cu un patruya a yega cu urgencia y bou alarma na un adres na Curaa Cabay, net dilanti Muy Muy Minimarket.
Ta papia cu prome cu autoridadnan a yega na e sitio, tabatin un pelea entre un pareha y un conoci di polis di fam Helder. Como cu ta parce cu e situacion lo sali for di man, algun hende a bati alarma na polis.
Testigonan ta bisa cu a haci uzo di armanan manera un pal’I bat y arma blanco. Polis cu a yega na e sitio a dicidi di detene tur tres persona envolvi y hiba nan warda pa saca’fo kico a pasa realmente y di con. Tabata trata di un pareha, kendenan a bay den e vehiculo di transporte di polis mientras cu e otro a bay den patruya.
