Diaranson mainta, polis y ambulance a bay urgentemente na e edificio den construccion net banda di Boy Ecuryplein, caminda cu un persona lo mester a cay for di dos piso.
Ta trata aki di e edificio net banda di Julianaschool riba LG Smith Boulevard. E edificio ta un proyecto di condominium di cinco piso cu tin un paar di aña caba den construccion.
Segun testigonan, esta coleganan di e empleado aki, e tabata stuwando algun meubles den e di dos piso y di un manera of otro a cay. El a a haya kap na serio na cabes. E persona tabata na tino na momento cu paramedico a bin atende y a stabilis’e pa transporte pa hospital.
Polis na e sitio pa asina tuma datonan pa haci investigacion. Posiblemente DTI tambe mester bin mirando cu ta un accidente durante trabao di construccion.