E palabra depresion ta mas conoci na Hulanda cu na Aruba. Na Hulanda hopi biaha ta wak tur cos rond di un persona y hopi biaha por papia di e situacionnan, segun partera Michael Quandt.
E mesun mucha di 15 aña cu ta na estado y el a bay scol, e por haya un trahado social cu por papia cun’e, wak su situacion actual. Hopi biaha hende no kier conta su situacion. Parteranan, Quandt a splica, cu nan ta esun apunta pa durante di e embaraso, señala esakinan. Na Hulanda nan tin diferente formulario cu ta ponebo repasa y a base di esaki, ta bisa cu esaki ta un malesa psikiatrico, si of no. E por ta un depresion of otro cos tambe. Na Aruba no tin e formularionan asina. Por nota cu den combersacionnan cu esun cu ta na estado of tin hende cu ta bin hunto cun’e ta duna e informacion. E parteranan tambe ta capacita pa por combersa cu un hende y saca afo cierto informacion.
Parteranan tin cu verwijs door pa un dokter di cas. Tin cu siña distingui kico ta depresion den e forma pisa y un depresion light. Clasificacion di psikiatria ta bisa cu si bo tin mas cu dos siman depresivo, ta nifica cu bo tin dos siman cu e persona no ta drumi, no ta come, no kier haci nada, no ta percura pa su mes, bo por papia di cierto fase di depresion.
Depresion riba su mes tin diferente nivel. Bo tin un parti di depresion asina pisa, cu e persona por hasta mata su curpa. E parti despues di parto, hopi biaha depresion ta pasa prome cu esey. Parteranan, den contacto cu e pashent, ta haci hopi pregunta. Tin biaha bo por saca afo cu e persona aki of e tabata cerca un psicologo of psikiatran antes of tabata interna den un luga cu no ta un hospital. Durante di control ta ripara tambe cu e persona aki no kier papia of ta keto. E fastioso ta cu e persona, fuera di no combersa, bo ta mira fisicamente cierto cambionan. E persona ta birando mas flaco, e ta bin descuida, e mama ta bisa cu tur ora e ta riba cama, no kier haci nada. Ta haya cierto señalnan. Personanan asina tin e riesgo mas halto tambe e ora, door di cambionan hormonal pero door di e cambio di e evento, e lifeevent di e parto, y tambe mama kier haci un parti bunita, di un parti na cas cu ta termina den un cesarea, ta cambionan cu e mama no por deal cune.
Despues di parto, hopi hende ta lubida cu e dama mester di 6 siman pa por recupera. Hopi biaha, nos hendenan, ora cu nan caba di haya yiu, kier haci mil y un cos. Di un otro banda, bo ta haya hende cu ta bisa cu “ta bo yiu e ta, abo take care di dje, bo cuenta”. Ta net e damanan aki mester di sosiego pa e por haya su ritmo bek. Un baby ta sinti ora tin stress. Kiermen e mama tin stress, baby ta yora mas. E mama no por drumi y no por percura pe. Cambionan hormonal ta sigui pa e siguiente simannan tambe.
Ora cu nos pasa den un life event, cu ta pone nos pasa den dolor y tristesa y cu no tin hende pa yuda nos, e situacion ta bira pio. Esaki sa pasa hopi biaha despues di parto.
Si e persona ta asina depresivo, e por bay over den un otro enfermedad psikiatrico cu ta yama post partum psichose. E parti psicotico di un hende cu a bira asina malo, cu e no por sali for di e situacion, cu e ta perde nocion di realidad, cu e por bira psicotico.
Tambe personanan cu tin un historia psikiatrico por bin na remarca pa esakinan.
Tin un diferencia den e parti prome cu e parti y e parti despues di e parto. Despues di parto, hopi biaha ta un evento hopi grandi cu por influencia e persona mas hopi ainda.
