Fundacion Pa Nos Comunidad (FPNC) a haya un donacion, e biaha aki di Thrill Walkers. E ayudo aki ta pa e fundacion por sigui cu nan trabou di yudanan den necesidad relaciona cu e crisis di coronavirus cu a laga hopi famia sin entrada of no suficiente entrada.
E representante di FPNC, Liandro Loopstok, a conta cu e donacion aki ta un contribucion pa e programa cu e fundacion tin pa traha paketenan di comestibel pa famianan den necesidad. Cada donacion ta yuda pasobra di e forma aki e paketenan aki ta bira mas.
Desde e pandemia aki su consecuencianan a yega Aruba, e fundacion ta yudando riba 2 mil famia, incluyendo menornan di edad. El a haci un apelacion na pueblo pasobra den e crisis aki Aruba mester di boluntarionan y “nos ta man habri pa donacionnan pa sigui yuda”.
Robert Croes di e organizacion SV Thrill Walkers tabata presente a splica cu e directiva y miembronan a contribui pa cumpra comestibles cualnan a keda entrega na FPNC. Esaki a bini hunto den cuadro di celebracion din an dies aña di existencia.
E organisacion cu ta consisti di 30 miembro tabata cla pa yuda unabes cu e idea a bini dilanti. Nan ta organisa diferente caminata y awo e miembronan a aproba pa uza e 3500 cu tabatin den pot pa cumpra comestibles y yuda comunidad.