Alan Howell lo no permiti Gobierno kita werksternan for di trabou

Diamars siman pasa, durante reunion publico pa atende e tema di enseñansa, Parlamentario Alan Howell di e Fraccion di POR, a presenta dos mocion cu ta para pa bienestar di dos grupo diferente den comunidad, pero ambos den e area di educacion. E prome ta concentra riba nos studiantenan y e di dos pa e werksternan di scol.

Allan Howell a indica no solamente den e reunion aki, pero ya caba for di basta tempo cu e werksternan por conta cu su sosten y cu e lo haci tur lo posibel pa evita cu nan perde nan trabou. Di e forma aki el a presenta un mocion cu a wordo aproba pa e partnernan den coalicion y tambe e miembro independiente, pero lamentablemente, un biaha mas por mira con un fraccion di AVP a prefera di no para na banda di bienestar di e werksternan. Un biaha mas nan a mustra cu nan no por kita nan pechi politico y apoya un grupo asina importante manera ta e werksternan.

Loading…

Taking too long?

Reload document

| Open in new tab

Download [44.59 KB]

E mocion pa apoya e werksternan ta bisa lo siguiente: Considerando cu e servicio di e werksternan na scolnan ta indespensabel; cu awo cu Covid-19 e higiena ta masha importante na nos scolnan; cu higiena ta importante pa nos maestronan y studiantenan; cu manda mas di 100 werksternan cas den e crisis aki lo ta devastador pa nan financieramente. Ta dicidi pa urgi Gobierno pa sondia tur posibilidad pa bin cu un solucion pa asina evita cu e werksternan perde nan trabou.

Loading…

Taking too long?

Reload document

| Open in new tab

Download [66.53 KB]

Manera por lesa, e mocion aki no ta menciona ningun partido politico ni accionnan politico, ta simplemente pidi Gobierno pa bin cu un posibilidad pa evita cu e werksternan perde nan trabou. Lamentablemente esaki no a pasa na un manera unanime den Parlamento, pero toch a logra wordo aproba. “Mi lo sigui monitorea e situacion pa sigura cu en berdad e werksternan mantene nan trabou”, Alan Howell a finalisa bisando.