Plan strategico t’ey pa un di dos ola di Coronavirus

Bureau Rampenbestrijding Aruba (BRA) lo a desea di no a haya Coronavirus riba nos isla pero no a logra. Despues di 3 luna ta bek na 0 y como coordinador di prevencion di desaster semper tin metanan. E prome meta tabata pa ta “Coronavirus free”. Awo cu a alcansa e meta mester mantene y prepara miho pa si bin un di dos ola di e virus.

Desde final di februari a staciona na portanan di entrada na Aeropuerto y Waf cu termometer y verpleegkunde pa controla hende.

Plan strategico t’ey pa un di dos ola di Coronavirus

Plan strategico t’ey pa un di dos ola di Coronavirus. click https://bit.ly/2ZSDqjx

Posted by 24ora on Sunday, May 31, 2020

Na momento di e prome caso, e meta di Bureau Rampenbestrijding a bira pa no tin victima pero asina mes a registra 3. E plan strategico a bira pa preveni cu e virus plama mas. Segun Rino Hermans di Bureau Rampenbestrijding, e crisis aki a exigi hopi energia pasobra e no tabata conoci. Tras di e structura tabatin involucra mas di 750 hende, sin conta frontliners, pero tur cu mester a traha pa trece esunnan pega den exterior.

Ta bayendo den e siguiente fase cu ta habri e frontera. Ta bay biba cu e risico, pero tin hopi mas experiencia, hopi mas plan y protocol pa e siguiente fase. El a sigui bisa cu no mester tin miedo, pa no crea panico, pero ta un situacion cu mester deal cu ne. E plan strategico tabata bisa asina cu tin 1 prome caso confirma, cu lo activa protocolnan estricto di distanciamento social, manera cera scol, evita bishita na cas di grandinan, toque de queda y shelter in place. Tur esaki tabata basa riba comportacion di e virus.

Aruba a avansa den traha e weerstand verhoging durante e crisis. Segun Hermans, si encaso hendenan infecta drenta Aruba, e plan strategico ta casi completamente skirbi caba. Awo ta trahando riba e parti si ta tuma cierto accionnan, pero esaki no ta cla ainda ya cu mester discuti cu partnernan. No ta solamente e proceso medico a atende cu ne, pero total 44 proceso cu Bureau Rampenbestrijding a monitoria.

Ta bayendo 180 dia cu e virus ta circulando rond mundo. Cientificonan ta informando riba comportacion di e virus y basa riba esaki awor nos sa kico por haci mara na e capacidad di Aruba. E experencia den e 90 dianan di e virus, na comienso tabata falta hopi protocol, pero awo tur cos ta na luga. Ta skirbiendo e plan strategico p’e di dos ola pero e aanpak lo ta diferente cu e prome.